Ingibjörg Katrín

Ingibjörg er með B.Sc í íþróttafræðum og MPM master í verkefnastjórnun auk fjölda námskeiða innan heilsu og þjálfunar.

Ingibjörg er með yfir 20 ára reynslu og þekkingu á sviði styrktar-, þol-, snerpu- og liðleikaþjálfunar. Hún hefur unnið náið með sjúkraþjálfurum í þjálfun, endurhæfingu og sundleikfimi, bæði á Íslandi og í Danmörku, kennt hóptíma og frjálsar íþróttir m.a.

Ingibjörg býður upp á einka- og hópþjálfun í tækjasal auk þess að búa til sérsniðið æfingaprógram eftir þörfum hvers og eins. 

Ef þú ert að glíma við verki/stoðkerfisvandamál, ert í endurhæfingu, streitu eða uppbyggingu eftir áföll þá hefur Ingibjörg góða reynslu á því sviði. Hún aðstoðar þig við að komast á sem öruggastan hátt að þínu markmiði, hvort sem það eru æfingar í sal eða þjálfun heima með eða án þjálfara.

Ingibjörg hefur sömuleiðis góða þekkingu í þjálfun á meðgöngu og eftir barnsburð og hefur unnið með sjúkraþjálfara á því sviði. Í boði eru stakir tímar eða þjálfun til lengri tíma. Hún hefur einnig þjálfað börn og unglinga í áraraðir og býður upp á einkaþjálfun m.t.t. íþróttagreinar sem viðkomandi æfir, fræðslu um mataræði og hugarfar.

Ef þið vantar að koma mataræðinu á réttan kjöl aðstoðar Ingibjörg þig bæði með ráðgjöf og fræðslu heimavið og/eða búðarferð. Sérsniðin þjónusta að þörfum hvers og eins.

Til þess að fá nánari upplýsingar endilega hafðu samband við Ingibjörgu með því að senda henni tölvupóst ingibjorg1@gmail.com

Sigurbjörg Gunnarsdóttir

Sigurbjörg er menntaður íþróttafræðingur með B.sc. gráðu í sálfræði og MLM gráðu í forystu og stjórnun.

Hún er einn af eigendum Orkustöðvarinnar og sér um reksturinn á tækjasalnum auk þess að bjóða upp á einkaþjálfun, hópþjálfun og heilsuráðgjöf.

Sigurbjörg sérhæfir sig í þjálfun einstaklinga með stoðkerfisvandamál og hefur m.a. starfað sem heilsuþjálfari á Reykjalundi og ráðgjafi og sérfræðingur hjá VIRK starfsendurhæfingarsjóði. 

Ef þig vantar aðstoð við að komast af stað eftir langt hlé, ert óörugg/ur að byrja að hreyfa þig v. stoðkerfisvandamála, eða vilt fá æfingaprógramm sérsniðið að þér, þá getur þú heyrt í Sigurbjörgu með því að senda tölvupóst á sigurbjorg@orkustod.is

Sigríður Rósa Kristjánsdóttir – Sigga Kr.

Sigga býður upp á fjarþjálfun en hún býr núna á Spáni þar sem hún tekur m.a. á móti hópum í heilsuferðir. Auk þess býður Sigga upp á heilsumarkþjálfunarviðtöl í gegnum fjarfundabúnað.

Þeir sem eru í fjarþjálfun hjá Siggu fá þétt aðhald og sérsniðnar æfingar, auk annara upplýsinga sem eru aðgengilegar í vönduðu appi. Þar má m.a. sjá allar æfingar á stuttum myndböndum þar sem Sigga sýnir rétta tækni.

Sigga er menntaður einkaþjálfari og hefur tæplega þriggja áratuga langa reynslu af þjálfun. Hún átti og rak Perluna heilsurækt í mörg ár og þjálfaði marga Suðurnesjabúa á því tímabili 🙂 Sigga er menntaður markþjálfi og er núna í framhaldsnámi.

www.siggakr.is

Til þess að fá nánari upplýsingar þá getur þú haft samband við Siggu með því að senda henni tölvupóst: perlan.sigga@gmail.com eða í gegnum skilaboð á instagram.