*12 mánaða samningur er bindandi samningur til 12 mánaða. 3 mánaða uppsagnarfrestur.

**Ótímabundinn samningur er með engum binditíma og 2 mánaða uppsagnarfresti.

*Athugið að aðgangur í hóptímasal er ekki innifalinn í kaupum á aðgangi í tækjasal.

TÆkjasalur

Tækjasalur Orkustöðvarinnar er einstaklega notalegur æfingasalur þar sem vellíðan iðkenda er í fyrirrúmi. Salurinn er búinn nýjum, hágæða líkamsræktartækjum og búnaði. Í salnum er m.a. gott úrval þol- og þrektækja (hlaupabretti, fjölþjálfar, stigvél, viftu-hjól, sitjandi þrekhjól, endurhæfingagöngubretti og róðravél. Öflugir rekkar og stangir fyrir ólympískar- og kraftlyftingar og gott úrval er af ketilbjöllum, handlóðum, sippuböndum, æfingateygjum og öðrum æfingabúnaði. Auk þess er í salnum æfingastöð þar sem hægt er að gera yfir 20 æfingar í (t.d. fótpressa, niðurtog, brjóstpressa, kviðkreppam dýfur, fótlyftur, róður. Sjá nánar hér:  https://www.youtube.com/watch?v=RZNCVADdwbw&t=1s

Stórir og miklir gluggar sem snúa í norður ýta undir æfingaupplifunina þar sem útsýnið er einstakt. Í tækjasal Orkustöðvarinnar er einungis óbein lýsing og hljóðvistin eins og best verður á kosið. Mikil áhersla var lögð á vellíðan í hönnunarferlinu og jákvæða æfingaupplifun iðkenda. 

 

Opnunartími

Virka daga: 05:50-21:30

Helgar: 09:00-19:30

Við tökum vel á móti þér

Björgvin Jónsson og Sigurbjörg Gunnarsdóttir eru eigendur Orkustöðvarinnar og reka tækjasalinn. Þau eru bæði Suðurnesjafólk, Björgvin úr Garðinum og Sigurbjörg Njarðvíkingur. Sigurbjörg er sálfræðimenntaður íþróttafræðingur og hefur hún víðtæka starfsreynslu á sviði ráðgjafar, kennslu, þjálfunar og starfsendurhæfingar. Hún er með fasta viðveru í tækjasalnum 2x í viku. Björgvin er laghentur tæknifræðingur og sér til þess að tækjabúnaðurinn sé ávallt í toppstandi.

Allir nýir iðkendur geta bókað tíma hjá Sigurbjörgu og fengið kennslu á tækin og leiðbeiningu með æfingaval (innifalið í korti). Til að bóka tíma vinsamlegast sendu póst á sigurbjorg@orkustod.is

Við bjóðum alla velkomna að koma og prófa hjá okkur tækjasalinn frítt (allt að 3 skipti) án skuldbindinga. Endilega sendu okkur póst og við finnum tíma til að taka vel á móti þér 🙂

Æfingar vikunnar

Í hverri viku hannar þjálfari Orkustöðvarinnar 3 æfingar og myndir fylgja öllum æfingum til útskýringar. Einfalt og þægilegt prógramm sem byggir á blöndu af styrktar og þolæfingum, við flestra hæfi.

Öll tæki og búnaður eru frá Hreyfisport, Hafnargötu 35 Reykjanesbæ.

https://hreyfisport.is/

Myndir af aðstöðunni